طريقة عمل السابليه

السابليه بطريقة سهلة و طعم جميل 😋😋👍👍

المقادير:

٢٠٠ دقيق منخول (كوب و نصف+ ملعقة و نصف كبيرة)

١٠٠ جرام زبدة ساقعة ( نصف كوب مكبوس)

٥٠ جرام سكر بودرة منخول ( كوب إلا ملعقة كبيرة)

صفار بيضة

فانيلا

الطريقة:

فى بولة بنحط كل المكونات على بعض و نقلبهم بإيدينا لحد ما الدقيق يتغلف كله بالزبدة و العجينة تلم معانا تبقى متماسكة

بنجيب ورقتين زبدة او كيس ساندوتشات و نفرد العجينة بين طبقتين الكيس او ورقتين الزبدة  و نراعي ان سمك العجينة يبقى وسط مش تخين قوي فيبقى عالي و تخين فى التزيين لما نلزق اتنين فوق بعض  و ماتكونش رفيعة قوي فتتقطع مننا و احنا بنشيلها ✋✋ 

نجيب القطاعات الأشكال اللي تعجبنا و نحطها فى دقيق عشان ماتلزقش فى العجينة و نبدأ نقطع و نرفع الكيس او ورقة الزبدة بالراحة و نزق السابليه نخرجه عشان ناخده نحطه فى صنية و باقي العجينة اللي حتفضل نعجنها فى بعضها و نفردها تاني و هكذا 

👈👈👈العجينة دى لازم نتعامل معاها بحرص و احنا بننقلها الصنية 

نخبز السابليه فى فرن ساخن على ١٨٠ لمدة من ١٥ إلى ٢٠ دقيقة حسب الفرن و سمك العجينة لحد ما تاخد لون من تحت و نخرجها نسيبها تبرد خااااالص و نزينها و حتلاقوا أفكار للتزيين فى الصور

تقدروا تستعملوا مربي و شيكولاتة و مكسرات و فارماسيل و طلعوا كل إبداعتكم 👍👍

تقدروا تستخدموا زبدة اللوتس مع بسكويت لوتس مطحون زى ما موجود فى الصور او ممكن نوتيلا و بألف هنا😍😍